Rritja e çmimeve prek drejtpërdrejtë qytetarët dhe kjo krizë ekonomike që ka mbërthyer vendin reflektohet akoma më shumë gjatë fundvitit, ku familjet duhet të blejnë ushqime të ndryshme për të festuar. Por duket se në Kukës festat nuk po priten me aq entuziazëm, pasi gjeli i detit që është dhe simbol i natës së ndërrimit të viteve, vjen më shtrenjtë se kurrë. Krahasuar me një vit më parë që ishte 8 mijë lekë, këtë vit po tregtohet me 100 mijë lekë dhe kjo rritje çmimi është e papërballueshme për familjet shqiptare.
“Gjelat i kanë mbet Edi Ramës, o shok, ky popull ka mbaruar”, tha një qytetar.
Ndërsa pensionistët janë më të prekurit nga kjo rritje çmimesh.
“ Me ca me e marrë gjelin, 1 herë në vit 2 kile mish. Me 40 mijë lek unë nuk blej dot ilaçe”, thotë një tjetër banor.
Një tjetër qytetar shprehet se i duhet të marrë borxh për të mbushur tryezën.
“Nuk afrohet me ato te viteve te tjera. Tash më pak se dhe çmimet janë rrit. Ne të detyruar jemi. Po hymë në borxh”.
Tregtarët tregojnë se rritja e çmimeve ka sjellë dhe ulje të blerësve.
“Frutat janë po aty, perimet janë rrit. Arrat si blejnë janë shtrenjtë”, thotë tregtari.
Kukësi është një ndër zonat që vuan më së shumti nga varfëria në rajon, ndaj kriza ekonomike ndihet akoma më shumë në këtë fundvit.
Discussion about this post