Kim Kardashian gjatë episodit të 3 qershorit në ‘Keeping Up With the Kardashians’, ka ndarë me motrat e saj Khloe dhe Kourtney gjendjen e martesës së saj me Kanye West. Mediat e huaja raportojnë se Kim shpjegoi se ndërsa Kanye është “një baba i mahnitshëm”, ajo nuk ishte e sigurt se mund t’i jepte burrit të saj atë që i duhej në një marrëdhënie.
40-vjeçarja, ka nguruar të flasë për martesën e saj në shfaqjen e familjes, por ajo më në fund ka treguar mbi arsyen e divorcit gjatë episodit të së enjtes, në 3 qershor.
Shikuesit mund të shohin pamjet në ‘Keeping Up With the Kardashians’ në sezonin 20 teksa Kim përlotet para motrave të saj Kylie, Kendall dhe Kourtney.
“Unë thjesht nuk mund ta bëj më këtë”- tha Kim.
“Përse jam akoma në këtë vend ku jam mbërthyer me vite me radhë? Si, ai shkon dhe zhvendoset në një shtet tjetër çdo vit. Unë duhet të jem, si, së bashku, në mënyrë që të rris fëmijët. Ai është një baba i mahnitshëm, ka bërë një punë të mahnitshme,”-shtoi Kim.
Ylli televiziv teksa qante arriti në një pikë sa ta fajësonte veten dhe të mendonte se West meritonte dikë më të mirë.
“Thjesht mendoj se ai meriton dikë që do të mbështesë çdo lëvizje të tij dhe do ta ndjekë në të gjithë vendin dhe të shkojë në Wyoming. Unë nuk mund ta bëj atë, ”-zbuloi ajo. “Ai duhet të ketë një grua që mbështet çdo lëvizje të tij dhe udhëton me të dhe bën gjithçka, dhe unë nuk mundem. Ndjehem si një dështim i mbretit.”
Kim Kardashian ka katër fëmijë nga martesa me Kanye West. Ajo bëri kërkesë për divorc në 19 shkurt pas gjashtë vjet martese.
