Mes dhimbjes dhe lotëve para se trupi i të birit të gjendej, babai i 20-vjeçarit Melsi Zogu, i cili mbrëmjen e kaluar u mbyt në liqenin e Banjës bashkë me xhaxhain e tij dhe dy kushërinjtë tregoi më shumë mbi ngjarjen.
Ai tha për mediat se të 4 viktimat kishin shkuar në liqen për t’u larë, por pasi ata nuk iu ishin përgjigjur telefonit, babai ishte nisur drejt vendngjarjes.
“U detyrova që të merrja një makinë dhe erdha me vrap. U futa deri diku, por nuk gjeta gjë. Djalin kam. Ata ikën për t’u larë. Babai me dy fëmijët e tjerë janë kushërinjtë tanë. I kanë me motor e telefona këtu. U nisën në orën 3 dhe i morëm në orën 17:00 në telefon. Kanë ardhur këtu janë larë. Nuk dimë më gjë më tej.”, tha babai i 20-vjeçarit.
Kujtojmë që babai me dy djemtë dhe nipi i tij, të cilët hynë për t’u larë në liqen, por nuk dolën më nga hidrocentrali i Banjës. Pas 90 minutash kërkime, katër viktimat; Arben Zogu 46 vjeç dhe dy djemtë e tij, Ruben dhe Esti Zogu dhe nipi, Melsi Zogu, 20 vjeç, u nxorën të pajetë nga liqeni.
Discussion about this post