Dy shqiptarë janë arrestuar ditën e sotme në Greqi për trafik të lëndëve narkotike. Euro2day.gr shkruan se gjatë operacioneve të kryer paraditën e sotme janë sekuestruan mbi 82.5 kg marijuanë. Policia greke gjatë kontrolleve në banesën e një 46-vjeçari në qendër të Athinës gjeti 61 pako që përmbanin 54 kg 410 gram marijuanë, 1 peshore dhe 2 celularë.
Ndërkohë në Nikea, në banesën e një shqiptari 36 vjeç u gjetën dhe sekuestruan 5 pako që përmbanin 28 kg 110 gram marijuanë, 1 peshore dhe 1 telefon celular. Ndërkohë që gjatë kontrollit në një banesë të dytë të tij në Nikea i’u gjeten dhe sekuestruan 10 gram marijuanë.
Prej fillimit të shtatorit në Greqi janë kapur rreth 845 kg marijuanë që dyshohet se vinin nga Shqipëria dhe janë arrestuar disa shtetas shqiptarë. Ndërsa 6 muajt e fundit në Greqi janë kapur rreth 1.5 ton marijuanë që dyshohet se vinte nga Shqipëria.
Discussion about this post