Deputetja e Partisë Demokratike, Flutura Açka është revoltuar me deklaratën e deputetes socialiste Ermonela Felaj në Kuvend.
Ajo tha se Felaj e ka ironizuar për recitimin në Kuvend, duke thënë se ajo është e vetmja që reciton ndaj e mori shumë personale deklaratën e saj.
“Unë fjalën e zonjës Felaj, dëgjova që flitej për recitimin. I vetmi njeri që ka recituar këtu jam unë, e marr personale, jo dhe aq. A është më mirë një recitim i imi apo kakarisjet e zonjës Felaj. Të bëjmë kujdes kur flasim këtu dhe kujt i drejtohemi” – u shpreh Açka.
Menjëherë i është përgjigjur Felaj duke thënë se nuk e ka personale me askënd dhe as me zonjën në fjalë, duke iu drejtuar Açkës. Sipas saj revoltimi Açkës vjen nga një keqkuptim i momentit.
