Einxhel dhe Dagz janë çifti më i ri i shtëpisë së “Big Brother VIP”, të cilët kanë shkaktuar herë pas here diskutime të shumta. Mbrëmjen e djeshme banorët kanë diskutuar me njëri-tjetrin, teksa shijonin një mbrëmje meksikane të organizuar nga “Vëllai i Madh”. Ka qenë Iliri ai që ka pyetur Einxhel nëse ndihet më e fortë në lojë vetëm apo Dagzin.
“A mendon se je më e fortë me Dagzin apo vetëm?”,- pyeti Iliri- Einxhelin.
Einxhel u përgjigj duke thënë që marrëdhënia me Dagz nuk i ka ndikuar në lojë, ndonëse nuk bien dakort për shumë gjëra.
“Unë lojën time e kam bërë njësoj, si me Dagzin si vetëm. E vetmja diferencë është që ai më bën të lumtur. Dagz vazhdon të mos jetë ‘partner në krim’ me mua. Ai nuk bie dakort për shumë qëndrime të miat, por fortësia ime në lojë nuk ka lidhje me këtë”,- u shpreh ajo.
Einxhel në një nga netët e spektaktlit live u surprizua nga dy mikeshat e saj, Fjoralba dhe Argjira, të cilat i thanë se duhej të fokusohej në lojë dhe jo vetëm në lidhjen e saj.
Discussion about this post