Aktori Gazmend Paja sot i shpëtoi një aksidenti të rrezikshëm, që mund të kishte përfunduar fatalisht. Dhe shkak për këtë ka qenë vetë Paja pasi nuk ka respektuar sinjalistikat rrugore dhe është futur me semafor të kuq e shpejtësi përtej normave me motor.
Paja kaloi rrugën dhe u përplas tek makina me ngjyrë të bardhë e cila kishte të drejtën për të kaluar.
Në momentin që motori i Pajës takon derën e përparme të pasagjerit të mjetit, aktori fluturon dhe përplaset në tokë. Ai ka pasur kokoren mbrojtëse në momentin që është aksidentuar dhe kjo gjë i ka shpëtuar jetën, pasi duke pasur parasysh shpejtësinë me të cilën ai udhëtonte, bilanci mund të kishte qenë më i rëndë.
Aktualisht Gazmend Paja ndodhet në spital dhe po merr ndihmën e nevojshme mjekësore, ndërkohë që mësohet se ndodhet jashtë rrezikut për jetën.
Discussion about this post