Tedi Blushi, Sekretar i Përgjithshëm i Partisë së Lirisë, ka kërkuar nga Qeveria një zgjidhje të menjëhershme për mijëra emigrantë shqiptarë që po përballen me rradhët e gjata dhe orë të tejzgjatura në pikat e kalimit kufitar, në një kohë kur edhe kushtet atmosferike janë të rënduara.
Përmes një postimi në rrjetet sociale, Blushi theksoi se mijëra qytetarë të braktisur nga Qeveria po torturohen për orë të tëra në pikat e kalimit kufitar të Kapshticës dhe Qafë-Thanës.
“Katër deri në pesë orë i duhet një shtetasi shqiptar të kalojë kufirin me Greqinë për të shkuar pranë familjes për Krishtlindje.
Ndërsa një deri dy orë për të hyrë në territorin shqiptar nga Maqedonia e Veriut.
Raportimet nga terreni bëjnë me dije se shtimi i fluksit në orët e ardhshme do ta bëjë situatën më kritike”, shkruan Blushi.
Në vijim ai shtoi se çdo shqiptar që po torturohet në kufi meriton të trajtohet me dinjitet, jo si njeri pa shtet dhe pa Atdhe!
“Kryeministri, ministri i Jashtëm dhe çdo titullar institucioni përgjegjës të ndërpresin urgjentisht pushimet e fundjavës, të çojnë shtetin në këmbë, të vendosin kontaktet me homologë e tyre dhe të garantojnë lëvizjen e lirë të qytetarëve!
Zgjidhja duhet të jetë e menjëhershme!”, shprehet Blushi.
Discussion about this post