Inspektoriati Shtetëror i Mbikëqyrjes së Tregut gjatë kontrolleve në kryeqytet gjeti 2.000 lodra për fëmijë duke përfshirë komerdare, topa, pistoleta uji, makina plastike, që shiteshin jashtë standardeve europiane.
Artikujt e bllokuar janë të listuara në sistemet e shkëmbimit të shpejtë të informacionit të Komisionit Europian, si produkte të rrezikshme me ndikim në shëndetin e fëmijëve. Ato kanë përmbajtje kimike dhe mund të shkaktojnë mbytje, prerje apo dëmtime të tjera tek fëmijët.
Markimi CE duhet të jetë i vendosur në mënyrë që të mos fshihet dhe me përmasa jo më të vogla se 5 mm. ISHMT u bën thirrje konsumatorëve të kenë kujdes kur zgjedhin lodrat për fëmijë.
Discussion about this post