“Më përndjek, do të më marrë vajzën”, gruaja nga Gana: Shqiptari u martua me mua për letra angleze

Një nënë ganeze më nënshtetësi britanike, Margaret Broën ka deklaruar se babai i fëmijës së saj me origjinë shqiptare kërkon t’i marrë vajzën.

Ajo u shpreh gjatë një interviste për SVTV Afrika se shqiptari ishte lidhur me të vetëm për të siguruar dokumentet angleze dhe pasi ai arriti qëllimin e tij e la vajzën nga Gana.

“Ai kishte pasaportë dhe avokati i tij i kishte thënë se e vetmja mënyrë që mund të bëhej rezident, ishte në rast se do të kishte fëmijë. Kështu që ai gjithmonë më bënte presion që të kishim fëmijë. Unë e quaj vajzën time një bebe mrekullie pasi unë vazhdimisht mbrohesha që të mos mbetesha shtatzënë dhe e mora vesh vetëm në muajin e pestë” – u shpreh ajo.

Më tej Margaret tregoi se sapo solli në jetë fëmijën, ai e përzuri nga shtëpia dhe nuk kujdeset më për të. Por sipas saj së fundmi ai ka nisur të vëzhgojë lëvizjet e gruas duke punësuar njerëz të tretë.

“Ligjet këtu thonë se babai mund të marrë kujdestarinë e fëmijës vetëm nëse nëna e tij, ka probleme të dukshme të shëndetit mendor ose tregon shenja dhune. Ai është përpjekur të më bëjë të reagoj ndaj gjërave duke më provokuar në situata të ndryshme, në mënyrë që ta përdorë pastaj kundër meje. Ai u takua me fqinjin tim që më shkatërroi më pas makinën vetëm për të më bërë të reagoj” – tregoi ganezja.