Një 23-vjeçar shqiptar është arrestuar pasditen e djeshme në një zonë të Follorinës në Greqi.
Arrestimi i tij është bërë nga një punonjës i policisë greke në Kapshticë.
Gjatë kontrollit të pasaportave, autoritetet kanë konstatuar se ndaj të riut kishte një urdhër arresti në gjermani, për vjedhjen e një banese atje.
Po në Follorinë, është kapur një shqiptar 44 vjeç, i kërkuar me urdhër ndalini nga Prokurori i Zakynthos, për përdhunim, kanosje dhe plagosje.
Ngjarje të ndodhura në harkun kohor nëntor 2016 shtator 2020 në Greqi.
Gjithashtu është bërë arrestimi i një tjetër shqiptari. 42-vjeçari ishte në kërkim pasi akuzohej për trafikimin e një sasie të madhe droge të kapur në korrik 2011 në Janinë.
