Një shtetas letonez, i cili kishte ardhur me pushime në Shqipëri, ka humbur jetën teksa ndodhej në qytetin e Shkodrës. Nga raportimet e para dyshohet se 38-vjeçari letonez L.Z ka humbur jetën për shkaqe natyrale.
Policia bëri të ditur se u njoftua lidhur me ngjarjen nga një 52-vjeçar, rezident në Mbretërinë e Bashkuar.
Shkodër/Informacion paraprak
Pasditen e sotme, shtetasi E. T., 52 vjeç, rezident në Mbretërinë e Bashkuar, ka njoftuar sallën operative të Policisë së Shkodrës, se në banesën e tij, në lagjen “Gjuhadol”, ka gjetur të pajetë shokun e tij, shtetasin letonez L. Z., 38 vjeç , rezident në Mbretërinë e Bashkuar.
Nga veprimet e deritanishme hetimore rezulton se 38-vjeçari i ardhur në Shqipëri, për qëllime turistike, e ka humbur jetën për shkaqe natyrore.
Grupi hetimor ndodhet në vendngjarje dhe vijon punën për sqarimin e rrethanave të ngjarjes dhe për dokumentimin e shkakut të humbjes së jetës së 38-vjeçarit.
Discussion about this post