Kreu demokrat Sali Berisha u shpreh mbrëmjen e së martës se ka prova tashmë që njeriu më i fuqishëm i FBI-së u kontraktua për të eliminuar opozitën shqiptare.
Në studion e Oranews, Berisha tha se opozita gjatë gjithë këtyre viteve, ka rënë pre e përpjekjes së paimagjinueshme për ta skajuar atë në një shkallë ekstreme.
“Kemi prova tashmë se njeriu më i fuqishëm i FBI-së u kontraktua për të eliminuar opozitën shqiptare. Sikurse u provua edhe me aferën ruse dhe sanksionimin e Sali Berishës. Opozita gjatë gjithë këtyre viteve, unë jam dëshmitar i përpjekjes së paimagjinueshme për ta skajuar atë në një shkallë ekstreme.
Donin ta përjashtonin me çdo kusht nga reforma në drejtësi, aq sa nxorën te deri e parlamentit me 15 të rinj të Sorosit bashkë me një ambasador për të protestuar kundër opozitës. Gjithë çfarë unë kisha në dorë, kishim vetëm standardet e Venecias për reformën në drejtësi”, tha Berisha.
Në vijim ai foli për qëndresën ndaj votës së lirë, duke theksuar se nëse nuk ka qëndresë për atë që ndodhi në 14 maj, atëherë në zgjedhjet e tjera, nuk do të jepen më 50 mijë lekë për votë por 100 apo 150 mijë lekë për votë.
“Opozita duhet të bëjë një analizë të thellë. Gjëja më e gabuar për mua për PD-në është të injoronte farsën zgjedhore dhe ta legjitimonte atë dhe të vazhdonte analizën sikur nuk ka ndodhur gjë. Nuk pajtohemi me asnjë akt që ka ndodhur. Do ta bëjmë analizën dhe do të nxjerrim përgjegjësitë e do të zbatohet statusi. Ky proces do të përfundojë pasi të mbyllur procesi i mbrojtjes së votës. Ne duhet të bëjmë çdo analizë të thellë dhe të rrisim besimin tek shqiptarët. Ju garantoj si njeri në 32 vite që merrem me proceset zgjedhore, me Edi Ramën nuk ka zgjedhje, çfarëdo që të bëjë PD-ja”, tha Berisha.
Discussion about this post