Gramshi u trondit dy ditë më parë nga një ngjarje e rëndë, ku një adoleshent u vra me thikë, ndërsa u plagos kushëriri i tij. Viktimë e krimit ngeli Fation Bici dhe u plagos Marko Lici, ndërsa për ngjarjen u arrestuan katër adoleshentët, konkretisht shtetasit me inicialet; Xh. Ç., 15 vjeç, O. Ç, 14 vjeç, E. K., 15 vjeç dhe S. M., 16 vjeç.
Teksa sot prokuroria kërkoi ‘arrest me burg’ për 4 të arrestuar, zbardhet dëshmia e një prej autorëve të dyshuar të krimit. 15-vjeçari me inicialet E.K., ka deklaruar se më datë 16.05.2023, ka shkuar në shkollën “4 Dëshmorët”, në fshatin Drizë, si zakonisht, së bashku me tre shokë të cilët quhen S.M, Xh. Ç. dhe H. Ç.
Që të katërt ata, rreth tre muaj më parë janë zënë tek fusha e lodrave, tek makinat elektrike në qytetin e Gramshit, me një grup djemsh ku nga grupi tjetër njeh shtetasin me inicialet Q. H. Adoleshenti rrëfeu se kur ata ishin sharë me fjalë, episode që kishin ndodhur dhe herë të tjera.
“Dy ditë më parë, së bashku me tre shokët e tij, Xh., H. dhe S. kanë vendosur që ditën e sotme (Ditën kur ndodhi krimi) të shkonin ta takonin Q. dhe shokët e tij që ta sqaronin një herë e mirë këtë muhabet. H. me vete kishte marrë një dorezë hekuri ngjyrë gold, Xh. kishte marrë me vete një dorezë hekur ngjyrë gold, ndërsa ai kishte marrë me vete një thikë që hapej me buton, të cilën e kishte blerë në internet për 1000 lekë të reja dhe një palë dorashka boksi ngjyrë të zezë, ndërsa S. kishte marrë me vete thikë që hapët me dore dhe një dorezë hekuri. Pas shkolle, H., S. dhe Xh. kanë marrë një makinë dhe kanë ardhur në qytetin e Gramshit, ndërsa ai ka shkuar më pas. Të katërt janë takuar përpara vendit të quajtur Kosturi në Gramsh, ku pasi janë takuar, janë nisur për te shkolla “Asllan Shahini”. Kur kanë arritur, kanë parë Q. bashkë me shokët e tij, ku mund të ishin shumë persona. Sapo janë afruar, H. ka filluar të flasë me Q. për të sqaruar debatin, ndërsa njëri nga djemtë që ishte me Q., e ka sharë nga robt. Personin që e ka sharë nuk e ka njohur, por ishte me flokët kaçurrela. Ai pa se S. u godit me grusht në bark. Pas kësaj grupi tjetër iku për nga shkolla kurse ata të katërt ikën për nga gjykata dhe më pas i kapi policia tek lumi.”, thuhet në dëshminë e adoleshentit.
Discussion about this post