Me birra dhe në një ambient të braktisur, kështu është gjetur nga policia Eduart Danaj. Raportohet se ai pas krimit, 50-vjeçari ishte fshehur në një godinë në ndërtim e sipër, ndërsa më pas kishte konsumuar alkool. Këtë e dëshmojë dhe pamjet e siguruara nga mediat greke, ku shihen disa shishe birre në vendin ku u arrestua 50-vjeçari. Ndërkohë dhe Policia greke ka konfirmuar gjendjen e dehur të Danajt në momentin e arrestimit.
Eduart Danaj masakroi me thikë bashkëshorten e tij Enkelejda Danaj mëngjesin e kësaj të enjte. Sipas Policisë, gruaja ka marrë disa goditje me thikë, të cilat i shkaktuan dhe vdekjen e menjëhershme në vendin e ngjarjes. Pas krimit, Danaj është arratisur, duke u kapur pas disa orësh. Gruaja e kishte denoncuar tre herë për dhunë në familje Eduart Danaj. Ajo u gjet pa shenja jete nga banorët e pallatit, të cilët rrëfyen tmerrin. Në vendngjarje ka shkuar dhe vajza e çiftit, e cila ndodhet në gjendje shoku, nga ajo që ka parë.
Discussion about this post