Një 25- vjeçar ka rënë në prangat e policisë në Korçë pasi është kapur duke drejtuar mjetin në gjendje të dehur dhe me shpejtësi përtej normave të lejuara. Bëhet fjalë për personin e identifikuar me iniciale L. Xh i cili duke drejtuar mjetin tip “Benz”, nuk i është bindur urdhrit të punonjësve të policisë për të ndaluar dhe më pas u kap nga Forcat Speciale “Shqiponjat” në lagjen nr. 17, Korçë, ku rezultoi në gjendje të dehur.
Pritet që i riu të përballet me akuzën për veprat penale “Drejtimi i automjeteve në mënyrë të parregullt” dhe “Mosbindja ndaj urdhrit të punonjësit të policisë së rendit publik”.
Po ashtu policia ka vënë në hetim për veprën penale “Prerja e paligjshme e pyjeve”, për personin e identifikuar me iniciale B. Ç., 42 vjeç, banues në fshatin Progër, Devoll, pasi në fshatin Rakickë, Devoll, u kap duke transportuar me mjetin tip furgon “Benz” 5 m sterë dru zjarri, pa leje.
