Gijotina.com ka siguruar videon nga momenti i aksidentit të rëndë të ndodhur ditën e sotme në Tiranë në rrugën e “Kavajës”, ku një makinë “Mercedes G-Class” merr përpara çiftin dhe fëmijën e tyre 3 muajsh, ndërsa po kalonin në vijat e bardha.
Citi Arjan dhe Vilma Konomi të cilët kanë respektuar sinjalistikat rrugore duke kaluar në vijat e bardha, ndërsa një makinë me shpejtësi skëterrë e drejtuar nga 39-vjeçari Ajas Sulejmani ka ardhur me shpejtësi dhe i ka përplasur duke i lënë të aksidentuar rëndë.
Siç shihet edhe në video vetëm pak sekonda para përplasjes nëna Vilma Konomi ka shtyrë me forcë karrocën që të mos përplaset nga mjeti, i cili goditi me forcë dy prindërit.
Karroca me foshnjën fatmirësisht ra në tokë si pasojë e shtyrjes që i bëri nëna dhe ndodhet në gjendje të mirë shëndetësore, ndërkohë dy prindërit kanë diagnozë politraume në gjendje të rëndë shëndetësore, me prognozë të rezervuar nën mjekim intensiv.
Discussion about this post