Këngëtarja me famë botërore, Adele, ka folur për ish-bashkëshortin e saj Simon Konecki dhe marrëdhënien që ka me të, gjatë një interviste me Oprah Winfrey.
Ajo thotë se nuk ka asgjë tjetër përveçse dashuri për të dhe se ajo është jashtëzakonisht mirënjohëse për martesën dhe djalin e tyre, Angelo, pavarësisht përfundimit të saj.
“Mendoj se Simon ndoshta më shpëtoi jetën, të jem e sinqertë me ty. Ai erdhi në një moment të tillë, ku stabilitetin që ai dhe Angelo më kanë dhënë mua, askush tjetër nuk do të mund të ma jepte kurrë. Ai ishte personi më i qëndrueshëm që kam pasur ndonjëherë në jetën time deri në atë moment. Edhe tani i besoj jetën time.” – u shpreh këngëtarja e “Easy on me”.
Edhe pse Adele dhe Konecki janë bashkë-prindër, ajo tha se pjesa më e vështirë e divorcit të tyre ishte se si t’ia sqaronin të birit, i cili në atë kohë ishte vetëm 6 vjeç.
Krijuesja e një sërë hitesh tani po shijon një romancë të re dashurie me Rich Paul.
Discussion about this post