Ka më shumë se 2 javë që digjet por situata duket se nuk është nën kontroll, madje po degradon nga momenti në moment. Zjarri në Karaburun po favorizohet nga era e fortë, e cila ka drejtim nga jugu, duke rrezikuar seriozisht Llogaranë.
Sipas punonjësve të ADZM, situata po përkeqësohet dhe flakët po i afrohen pjesës halore ose me pisha, gjë që përbën rrezik serioz, ndërkohë që kërkojnë ndërhyrje urgjente nga ajri për neutralizimin e flakëve, ndryshe pasojat do jenë fatale. Përveç Karaburunit, edhe mbi fshatin Dukat i Ri janë aktive tre vatra zjarri, të cilat rrezikojnë banesat.
