5004 delegatë të Partisë Demokratike kanë marrë pjesë në Kuvendin Kombëtar të Partisë Demokratike. Këto delegatë sipas Jemin Gjanas janë shumica e numrit total të delegatëve, të cilët do hidhen nesër në sistem dhe do bëhen publike për tu aksesuar nga të gjithë.
“Dua t’ju falënderoj sepse shumë nga ju kam takuar qindra dhe qindra para se të fillonim dhe tani kam një sallë të mbushur, me fytyra, me emra e identiteti të cilët kanë udhëtuar 30 vite për PD-në dhe PD për ta. Dua të bëj me dije se të dhënat konfirmojnë se ne kemi shumicën dërrmuese të delegatëve. 5004 nga 7600 që janë total. Kryesia e PD-së në mbledhjen e ditës së djeshme ka vendosur që ndihmë për menaxhimin e punimeve të Kuvendit të krijojë një komision me të cilin janë ndjekur procedurat e regjistrimit të delegatëve dhe e gjithë vendimmarrja që do të ndodhë”, tha Gjana.
Kujtojmë se Berisha pretendoi se në Kuvendin Kombëtar të 11 dhjetorit mblodhi, 4.935 delegatë.
Discussion about this post