Presidenti Ilir Meta ka dalë sot në një deklaratë urgjente, ku i bën thirrje qeverisë të marrë masa për kaosin që po përfshinë vendin. Përmes një postimi në Facebook, ndërsa bën një statistikë të shifrave, të familjeve me ndihmë ekonomike, të familjeve me pension familjar mujor apo pensionistëve, Meta thotë se qeveria duhet t’iu vijë në ndihmë.
“Në kushtet kur çmimet e mallrave ushqimore po rriten abuzivisht me të paktën 10% dhe çmimi i karburanteve me rreth 30%, si do të jetojnë dhe do ta përballojnë koston e lartë të produkteve bazike 930,457 qytetarë me të ardhura nën 5.5 USD/ditë?! Koha për t’i mbështetur pa vonesë këto familje dhe këta qytetarë! “ shkruan Meta.
Sakaq, ai ka evidentuar në postim se mbi 60 mijë familje shqiptare kanë të ardhura shumë më të ulta se minimalja në rajon. Sipas tij ata shpenzojnë vetëm 0.7 dollarë në ditë, që nuk iu dalin as për bukë dhe ujë.
Discussion about this post