Dy nga çmimet më të rëndësishme të Mbrëmjes Gala të FSHF ishin edhe “Këpuca e Artë 2023” për vajza dhe djem, trofe që jepen për golashënuesit më të mirë të vitit e që nuk kishin nevojë për votim. Pasi ishin përcaktuar me golat që kanë shënuar në fushën e lojës.
“Këpuca e Artë 2023” për djem iu akordua sulmuesit të Tiranës, Florent Hasani, i cili e mbylli sezonin e kaluar në kuotën e 16 golave, duke siguruar kështu çmimin e golashënuesit me të mirë.
Për t’i dorëzuar trofeun sulmuesit nga Vushtrria në skenë u ftua një personazh i veçantë: ish-futbollisti i Kombëtares, Edvin Murati.
“Këpuca e Artë 2023”, Florent Hasani, i cili sezonin do e vijojë në Rumani te Rapidi i Bukureshtit, falënderoi të gjithë të pranishmit për mbështetjen, në veçanti klubin e Tiranës.
“Pëshëndetje të gjithëve. Kënaqësi që e mora këtë çmim si golashënuesi më i mirë i kampionatit, duke ndihmuar ekipin tim. Falënderoj klubin e Tiranës, futbollistët, stafin dhe tifozët bardheblu, pa të cilët nuk do të kisha mundur ta merrja këtë çmim.”
Discussion about this post