Kryetari i Partisë së Lirisë, Ilir Meta është shprehur gjatë takimit me struktrurat e Partisë së Lirisë, se do ta “fundosë” kryeministrin Edi Rama po me ligjet e tij.
Meta, tha se Rama ka fobi gjelbërimin dhe që partneriteti me oligarkët po i vë në vështirësi shqiptarët. Më tej, ish-presidenti solli në kujtesë tragjedinë në Elbasan, ku një person i dha fund jetës, pasi jetonte në mes të skamjes.
“Po kur i mori të gjitha në dorë ky, ca i bëri teatrit?! Me të qeshur ai ëë..ashtu ta ketë në mes të ditës. Me të qeshur dhe më ngjeshur. Me drejtësi e me ligj do t’ja bëjmë ne atij, me ligjet e tij. Ligjet e tij, ato do përdorim ne. Por ky është raporti i tij me Tiranën, me krenarinë e Shqipërisë.
Ai nuk ndihmon asnjë njeri duke respektuar ligjin, sepse e ka kënaqësi ti mbajë peng. Këtë e ka trashëguar nga paraardhësit e tij, pale ai të ndihmojë një njeri që shkel ligjin. Ai bën namin. Kjo është në kurriz të të gjithë Shqipërisë. Ka alergji të paparë nga gjelbërimi. Shikoni ca i ka bërë Tiranës dhe Durrësit, është armiku i gjelbërimit. Ka asgjësuar të gjitha korridoret ajrore të Tiranës, e ka kthyer në një qytet që vret shëndetin e njerëzve.
Është një xhelat i vërtetë. E nisi me vjedhjen e fasadave të këtyre ministrive dhe po e mbyll me këto të incdeneratorëve. Ai i shkreti me 7 fëmijë ishte dënuar, ai tjetri pse nuk paguante dot energjinë i dha fund jetës. Ama këta oligarkët, shokët e këtij bëjnë cfarë të duan. Për këta edhe kur janë nën hetim del qeveria garantë duke dhene kredi, sepse është ky atje nga prapa”, tha Meta.
Discussion about this post