Kryeministri Edi Rama i rikthehet show me procesin e rindërtimit, teksa ishte në Marikaj, atje ku ka dorëzuar çelësat e 102 apartamenteve të reja për banorët që kanë humbur banesat si pasojë e tërmetit të 26 nëntorit 2019.
E ndërsa më parë shfaqej me Arben Ahmetajn, ish-zv.Kryeministrin dhe ish-ministrin e Rindërtimit, që sot ndodhet në arrati pas akuzave nga SPAK, sot Rama ka marrë tërësisht rolin e protagonistit, madje duke shkëmbyer edhe batuta me banorët.
“Pas një sage të hatashme në xhunglën e mbivendosjeve e falsifikimeve hipotekore, u hap më në fund rruga e Rindërtimit dhe dorëzuam sot çelësat për 102 apartamente në 6 pallate të reja për banorët që humbën strehën nga tërmeti”, shkruan Rama.
Teksa fliste me banorët, Rama i pyeti nëse dikush prej tyre nuk kishte besim tek qeveria e tij.
“Tek ju nuk humb besimi, tek të tjerët po”, u shpreh një prej banorëve.
“Me të tjerët kishit marrë ‘Noc Rrokun’ po…”, ia ktheu Rama.
Ai u shpreh se me marrjen e apartamenteve, ata mund të bëjnë çfarë të duan, ti mbajnë vetë, t’i sheshin apo japin me qira.
“Është prona juaj, mund ta mbani, mund ta jepni me qira, mund ta shisni, por dritat kuptohet do i paguani vetë”, u shpreh Rama.
Discussion about this post