“Më tha gjej punë, mos rri kot”, zbulohet shkaku i krimit të rëndë në Mallakastër

Është zbardhur ngjarja e rëndë që ndodhi disa ditë më parë në Mallakastër, ku Mariglen Muhametaj masakroi për vdekje babanë e tij Qemal Muhametaj.

Sipas burimeve, mësohet se gjatë marrjes në pyetje nga ekspertë të policisë, Mariglen Muhametaj është shprehur se shkak për krimin e rëndë ka qenë një zënkë e çastit më të atin. Sipas këtyre burimeve, i ati, i ndjeri Qemal Muhametaj, i ka thënë të birit të gjejë punë, të mos rrijë kot.

“Gjej punë, mos rri kot. Unë nuk kam me çfarë të ushqej”.

Në debat e sipër midis atë e bir, Mariglen Muhametaj, mësohet se fillimisht e ka shtyrë me duar të atin, i cili ka rënë përdhe. Autori nuk është u mjaftua me kaq, por mori një pllakë betoni dhe godet dy herë në kokë duke i marrë jetën në vend.

Gjatë kohës që Mariglen Muhametaj ka treguar gjithë rrjedhën e ngjarjes së rëndë, e ka treguar atë qetësisht, normal duke mos treguar pendesë për krimin e kryer.