Pas një sërë reagimesh nga Wanda Nara dhe Mauro Icardi, në lidhje me tradhtinë e lojtarit, ka reaguar edhe personi i tretë i përfshirë në të ashtuquajturën telenovelë.
Aktorja China Suarez ka ‘shpërthyer’ në rrjetet sociale duke akuzuar sulmuesin e PSG-së, për të cilin ka thënë se po shtrembëron të vërtetën.
“Unë po e shkruaj këtë për të ndalur gënjeshtrat, dhunën dhe shikimet shtrembër në ndërtimin e një historie të manipuluar për të bërë të kaloj edhe një herë, si cjapi te kasapi”, shkruan ajo.
Teksa më tej shton se do e padisë për lajme të rreme dhe për prishje imazhi, Icardin, pasi sipas aktores e vërteta nuk është ajo që ka treguar ai.
“Është e lehtë të më bësh të ndihem keq duke mi kaluar mua përgjegjësitë. Çmimi i mbrojtjes së imazhit të një familjeje paguhet nga unë, jo nga ai që bërë gabimin. Kështu të gjitha janë në rregull. Çdokush që përfiton nga kjo situatë në kurriz të jetës dhe karrierës sime personale do të paditet për riprodhimin e informacionit të rremë. Ajo që ndodhi nuk është një situatë që e kam filluar unë, as nuk e kam nxitur, as provokuar.”-shtoi ajo.
China i hodhi më shumë benzinë zjarrit duket thënë se lojtari e kishte bindur se ai do të ndahej nga Wanda.
“Unë jam lidhur me burra sepse i kam besuar ato që kanë thënë, se ata ishin të ndarë ose do të ndaheshin së shpejti,”-tha ajo, duke ia lënë në këtë mënyrë topin Icardit./K.T/Gijotina.com
