Aktorja e njohur Arjola Demiri, ditën e sotme ka rrëfyer mënyrën se si ka shkuar jeta e saj pas daljes nga shtëpia e famshme e “Big Brother Albania”, tashmë që gjithçka ka mbaruar dhe janë jashtë kamerave.
Mëngjesin e sotëm ajo ishte përkrah Isli Islamit në emisionin “Wake Up”, ku është shprehur se njerëzit kanë shumë interes për shtëpinë që iu dhurua asaj, por kjo gjë tashmë i është kthyer ne bezdisje dhe nuk e duron më dot.
“Nuk thonë mirëmëngjesi, mirëmbrëma. E more shtëpinë? Mu shndërrua në problem dhe bezdisje. I bëj thirrje Kodrës së Diellit ta bëjë shtëpinë time të parën.”
Nga ana tjetër, e pyetur nga moderatori Isli Islami se çfarë ndodhi me miqësitë që lidhi brenda shtëpisë së BBV, Arjola ka thënë se është distancuar me ta.
“Miqtë e mi tani janë ata që kam pasur gjithmonë afër. E kam marr pauz njerëzve që kam pasur në BB. Jam takuar me ta por nuk kemi bërë diskutime të gjata. vetëm në evenimente. Dje isha me Moniken, ndamë disa muhabete”.
Discussion about this post