Saimir Tahiri, bazuar në një vendim gjykate, nuk do të kalojë pjesën e mbetur të dënimit në burg, por në shtëpi. Tahirit i kishte mbetur për të shlyer edhe 1 vit e 8 muaj e 15 ditë burg, por bazuar në 5 kritere që ish-ministri i Brendshëm i plotësonte, dënimin do e kryejë në shtëpi.
Avokati i tij, Maks Haxhia, në një prononcim për mediat, zbuloi se një person me precedent të theksuar kriminal, në momentin kur kishte dalë nga burgu, i kishte shprehur keqardhje Saimir Tahirit që vuante ende dënimin. “Më vjen turp që dal unë nga burgu dhe rrini ju.” ishin fjalët, sipas avokatit Maks Haxhia, me të cilat ai i ishte drejtuar Saimir Tahirit.
Po kush ishte personi me precedent të theksuar kriminal që iu drejtua kështu Tahirit?
Gazetarja Klodiana Lala ka zbuluar detaje, ndërsa shprehet se bëhet fjalë për Safet Bajrin, i cili thuhet se ka ndarë qelinë me ish-ministrin në burgun e Fierit.
Safet Bajri, i akuzuar si një prej krerëve të grupeve kriminale në Shkodër është liruar me kusht nga burgu i Fierit në fund të muajit prill.
“Safet Bajri, person me rrezikshmëri, që ishte në një qeli me Tahirin tha: Mua po më vjen keq që po iki në shtëpi dhe ish-ministri i Brendshëm qëndron në burg. Duhet të kem një indicie që është vendim politik. Bosët e krimit, apo politikë dhe ish-zyrtarë se kryejnë deri në fund dënimin e tyre. Dikur një bos krimi, u lirua se kishte probleme me gjurin. Dhe u lirua nga burgu se dhimbja e gjurit ia pamundësonte qëndrimin në burg. Mund të ketë diçka mbrapa, por a ka një pakt? Nuk mund ta them. Duhet të kem fakte.”, pohoi gazetarja.
Discussion about this post