Ish-deputetja e Australisë, Julia Banks, ka bërë një akuzë të fortë, duke deklaruar se një ministër aktual në qeveri, e ka ngacmuar seksualisht gjatë një séance në Parlament.
BBC shkruan, se ish-deputetja e ka treguar së fundmi situatën e ndodhur në vitin 2017, kohë kur dhe ajo ishte deputete.
“Ministri erdhi dhe u ul pranë meje, më vuri dorën mbi gju, e vazhdoi ta ngrinte lart ngadalë duke më prekur kofshën në pjesën e brendshme“, tha Banks.
Lidhur me këto pretendime, ka reaguar dhe zyra e Kryeministrit australian, Scott Morrison, duke i cilësuar sjellje të tilla të papranueshme.
Ish-deputetja e ka rrëfyer këtë situatë në një fragment nga kujtimet që ajo ka botuar së fundmi por nuk pranoi të identifikonte ministrin në fjalë.
