Media greke Ekathemerini shkruan se Departamenti Amerikan i Shtetit i ka dërguar një mesazh autoriteteve shqiptare, sipas të cilit, Uashingtoni pret që të respektohet shteti i së drejtës në rastin e kryetarit të zgjedhur të bashkisë së Himarës Fredi Beleri.
Ky i fundit ende se ka marrë zyrtarisht detyrën e Kryebashkiakut të Himarës, për shkak se sipas procedurave duhet të betohet para Këshillit Bashkiak. Në kushtet kur ndodhet në paraburgim, në pritje të nisjes së procesit të gjykimit, Belerit iu refuzuar dy herë kërkesa për leje.
Duke iu përgjigjur korrespondentëve të gazetës Ekathemerini në Uashington, një zëdhënës i Departamentit të Shtetit tha, “ne jemi në dijeni të rastit dhe presim që autoritetet shqiptare të ndjekin procesin e duhur sipas ligjeve të vendit”.
Beleri mbahet në burg që prej 12 majit të këtij viti pasi u arrestua për blerjen e votave në prag të zgjedhjeve lokale të 14 Majit.
Prokuroria e akuzon fituesin e zgjedhjeve në Himarë se u ka dhënë 40 mijë lekë të reja 8 qytetarëve për te votuar në favor të tij gjatë zgjedhjeve lokale.
Mbajtja e tij në burg ka sjellë një përplasje me Athinën zyrtare e cila e akuzon qeverinë shqiptare se po emban në qeli politikisht Fredi Belerin për të mos i lejuar betimin si kryebashkiak.
Discussion about this post