Media greke: Refuzohet kërkesa e Belerit për t’u betuar si…

Kërkesa e Fredi Belerit për t’u betuar si kryetar i Bashkisë së Himarës është rrëzuar, siç transmeton ERT.

Gjykata e Tiranës vendosi se nuk do t’i japë leje për betimin kryebashkiakut të zgjedhur të Himarës.

“Edi Rama dhe rrethi i tij banalizojnë procesin dhe avancojnë vendimet e Gjykatës”, tha Beleri pas vendimit.

Kryeministri shqiptar u shfaq në një intervistë pak ditë më parë, i paprekur nga qëndrimi i tij i palëkundur se çështja Beleri ka të bëjë ekskluzivisht me drejtësinë dhe as ai dhe qeveria e tij nuk kanë qenë të përfshirë dhe as do të jenë të përfshirë.

Duke folur për televizionin A2CNN, ai përsëriti se “Greqia nuk ka të drejtë në çështjen e Belerit” dhe shtoi: “Shqipëria është një shtet që nuk ka drejtësi tjetër për qytetarët me shtetësi shqiptare dhe drejtësi tjetër për shqiptarët me shtetësi të tjera. Nuk është një çështje e të drejtave të pakicave. Ne nuk kemi problem me pakicat. Ne kemi bërë për minoritetet atë që nuk e kanë bërë shumë vende të tjera evropiane”.

Për çështjen e betimit të Belerit, ai pohoi: “Ne nuk kemi fuqi të vendosim nëse do të bëhet apo jo betimi dhe as Drejtoria e Përgjithshme e Burgjeve, ligji e përcakton qartë se kur bëhet”.

Rama u shfaq indiferent ndaj nxitjeve evropiane dhe çdo deklarate të zyrtarëve të BE-së për t’i gjetur zgjidhje të gjithë çështjes, madje duke thënë: “Edhe nëse Këshilli Europian kthehet përmbys, ne nuk po negociojmë asgjë përtej interesit strategjik të Shqipërisë, që është zbatimi i reformës në Drejtësi dhe sigurimi i pavarësisë së institucioneve të drejtësisë”.

Theksojmë se pas këtij vendimi ka pasur një reagim të fortë në sallë nga mbështetësit e tij, duke u shprehur: Turp, Turp! Poshtë diktatura.

“Sapo u komunikua një vendim i paralajmëruar. Kreu i vendit, Rama, i parapriu javën e kaluar vendimit të gjykatës. Është për të shprehur keqardhjen për republikën dhe drejtësinë tonë”, tha Vangjel Dule para gazetarëve.