Shqiptarët sërish në shënjestër vëmendje të mediave të huaja. Komisioneri i divizionit François Farcy, drejtor i Policisë Gjyqësore Federale të Lièges pohon se mafia shqiptare “është në pozitë të barabartë në Belgjikë” me mafian marokene.
“Sot ajo (mafia shqiptare) është në top 3, me organizatat Belgo-Holandeze dhe Marokene”, pohon komisari i divizionit François Farcy, duke shtuar se; “Klanet kriminale janë në një fushë loje të barabartë. Ata janë kudo në Belgjikë dhe në botë, dhe në veçanti në Bruksel dhe Vallonia, shumë në Liege. Ka baronë të strehuar në Dubai ku ata tërheqin fijet”.
Këto deklarata pasojnë fill pas çmontimit nga policia e Liezhit të një rrjeti të gjerë trafiku kokaine dhe kanabisi, të organizuar në një periudhë të paktën 4-vjeçare dhe ku përfshiheshin klane të mafias shqiptare.
Në total u arrestuan 18 persona, 11 prej të cilëve u vunë në urdhër arresti për trafik droge dhe pjesëmarrje në organizatë kriminale.
Discussion about this post