Kalimi i Armando Brojës te Ipswich Town dukej një transferim i mbyllur. Në mediat britanike u raportua se ishin mbyllur edhe testet mjekësore, ndërsa pritej vetëm zyrtarizimi i klubit anglez.
Megjithatë ky zyrtarizim ka zgjatur shumë dhe nga “The Guardian” vijnë lajme të reja. Sipas tyre, transferimi i Brojës te Ipswich Town mund të dështojë për disa probleme të dokumentave që lidhen mes Brojës dhe ekipit t sapongjitur në Premier League dhe jo me Chelsea.
Ipswich po sheh edhe për sulmues alternativ në treg nëse nuk arrijnë marrëveshjen me sulmuesin shqiptar.
Ndërkohë në Britani ngrenë dyshime se shqiptari është tunduar nga Evertoni dhe po zgjat marrëveshjen me Ipswich Town për të bërë një hap pas dhe për të kaluar te Everton.
Sa i përket Ipswich Town u tha se Broja do të kalonte tek ekipi anglez në formë huazimi nga Chelsea, me detyrim blerje për 30 milion paund, nëse do të arrinin të siguronin mbijetesën në Premier League.
Discussion about this post