Mediat britanike për shqiptarët: Ata që vijnë me gomone po tallen me paratë e britanikëve

Sërish janë rikthyer në vëmendjen e mediave britanike emigrantët shqiptarë dhe metodat e tyre për të kaluar kanalin e La Mansh. Sipas ‘The Sun’ shqiptarët po hyjnë në Britani me anë të varkave të vogla.

Një shrkim me nota negative për 2 emigrantë shqiptarë është botuar që pasi kanë kaluar nëpërmjet udhëtimit me gomone janë strehuar në një nga hotelet pas dorëzimit në polici.

“Emigrantët po mburren se janë akomoduar në hotele të financuara nga taksapaguesit, ashtu si faturat e paguara nga miliona britanikë. Dy burra postuan një video të TikTok me titra shqip në një dhomë pasi paguan 3000 £ për të kaluar Kanalin. Ndërkohë, faturat e britanikëve po rriten bashkë me rritjen e taksave” – shkruan The Sun

“Një video në TikTok tregon dy burra të gëzuar në një hotel për të pasurit me një TV të madh me ekran të sheshtë. Diçitura, në shqip, e reklamon itinerarin si 100% të garantuar. Vitin e kaluar qeveria shpenzoi 5.38 miliardë £ për strehimin dhe mbështetjen e azilkërkuesve. Ka 8000 emigrantë të tjerë në hotele që kur Sir Keir u bë kryeministër, me taksapaguesit që po paguajnë faturën e madhe” -shkruan The Sun.

Në video, një burrë thotë:

“Respekte. Na sollën në Londër.” Një tjetër klip thotë: “Çdo ditë udhëtim me varka të vogla Siguria 100 për qind. Pagesa 3000 £, kur të mbërrini në Mbretërinë e Bashkuar. Vëllezër që duan të shkojnë, kontaktoni dhe ne ju dërgojmë drejtpërdrejt”.

Shifrat e Home Office tregojnë se 616 persona kanë udhëtuar nga Shqipëria në Mbretërinë e Bashkuar me varka të vogla në vitin 2024. Kritikët vënë në dukje një rekord prej 6642 emigrantësh që kanë mbërritur me 119 varka deri më tani këtë vit, 43% më shumë se e njëjta këtë kohë e vitit të kaluar. Më shumë se 4000 persona e bënë këtë udhëtim vetëm muajin e kaluar.

Dihet se bandat e trafikut përdorin platformat e mediave sociale për të kontaktuar me emigrantët përpara se të kalojnë në shërbime private të mesazheve të koduara. Vitin e kaluar Agjencia Kombëtare e Krimit kërkoi heqjen e më shumë se 8000 llogarive në mediat sociale. TikTok e hoqi videon pasi The Sun i paralajmëroi për të pasi ajo shkel udhëzimet rreth trafikimit të qenieve njerëzore dhe kontrabandës.