Anxhela Peristeri do të performojë mbrëmjen e sotme në finalen e madhe të spektaklit evropian “Eurovision 2021”. Këngëtarja arriti të rrëmbejë vëmendjen e të gjithëve me fustanin e kuq që veshi të stiluar nga Valdrin Sahiti.
Në intervistën e fundit për ‘Prive‘ këngëtarja ka treguar momentet si pjesmarrëse në festivalin e madh të këngës evropiane, duke mos lënë pa përmendur as sulmet e marra nga mediat serbe për simbolin shqiptar të cilësuar si të turpshëm.
Peristeri tregoi se këngët e saj të preferuara janë katër: Greqi, Itali, Francë dhe Maltë, ku dha dhe një mendim për këngëtaret serbe.
“Janë tre vajza shumë simpatike të cilat i kam takuar. Mendoj që është një këngë hit, një këngë që po ecën shumë mirë dhe është shumë e dashur nga fansat dhe i uroj gjithë të mirat dhe përfaqësuesve të serbisë,”- u shpreh këngëtarja përpos komenteve nga mediat serbe.
Në lidhje me kualifikimin e saj në natën finale, Anxhela tha se deri diku e priste këtë vendim, sepse të dyja provat janë pritur shumë mirë dhe publiku i ka vlerësuar.
“Do mundohem të bëj më të mirën në skenë që kjo performancë të dalë shuëm mirë, pastaj për atë gjë nuk kam ndonjë parandjenjë ose ndonjë përllogaritje, sepse asnjëherë nuk i dihet në një peticion, në një konkurs”,- tha Anxhela.
