Mediat greke: Fredi Beleri fitoi bashkinë nga burgu

Mediat greke kanë shkruar për fitoren e Fredi Belerit në zgjedhjet e 14 majit në Bashkinë e Himarës.

Protothema.Gr citon mediat shqiptare, që flasin për fitoren e Belerit në zgjedhjet lokale.

Në një shkrim të kësaj medie shkruhet se Beleri arriti të fitonte Bashkinë e Himarës teksa ndodhej në burg, i arrestuar me akuzën e shit-blerjes së votës.

Beleri i mbështetur nga koalicioni “Bashkë Fitojmë” arriti të fitonte kundrejt kundërshtarit të PS-së, Jorgo Goro, me një diferencë shumë të ngushtë, me vetëm 19 vota para.

Fredi Beleris siguroi 3837 vota ose 50,12%, ndërsa kandidati i Partisë Socialiste dhe kryetar bashkie në largim 3818 vota ose 49,88%.