Një vëmendje të madhe merr sot Samiti informal, i cili siç dihet po mbahet në Greqi, dhe ku kryeministri Edi Rama nuk do të jetë i pranishëm.
Ky fakt është trajtuar shumë edhe në mediat greke, sipas të cilave “Mungesa e madhe në konferencë do të jetë Shqipëria, e cila vë në pah “ngrirjen” e marrëdhënieve greko-shqiptare, pas burgosjes së kryebashkiakut të Himarës, Fredi Beleri.
Qeveria greke tentoi një “driblim”, duke qenë se në asnjë rrethanë zoti Rama nuk mund të ftohet për të diskutuar perspektivën europiane të vendit të tij, ndërkohë që z. Beleri qëndron në burg.
Kështu ftesa i është dërguar zyrës së presidentit shqiptar Bajram Begaj, i cili ka refuzuar dhe kështu fqinji nuk do të marrë pjesë.
Është e dukshme, megjithatë, se pas “pranverës” së viteve të mëparshme me perspektivën e bashkëpremtimit për Hagën, marrëdhëniet mes Athinës dhe Tiranës janë në një “të ulët barometrike”.
Megjithatë, duke pasur parasysh se këtë vit, 20 vite nga Deklarata e Selanikut, e cila nënvizonte se e ardhmja e Ballkanit është brenda BE-së, Mitsotakis dëshiron të dërgojë mesazhin se Greqia vazhdon të punojë për këtë qëllim si një forcë udhëheqëse në zonë.
Po ashtu, sipas medias Protothema.gr, “Greqia, e cila ka forcuar gjurmën e saj gjeopolitike dhe energjetike në rajon gjatë katër viteve të fundit, qëndron pranë Ballkanit Perëndimor si anëtare e familjes evropiane, por edhe si ekonomia më e madhe në rajon dhe dëshiron integrimin e tyre europian, për të cilën ka kushte”, theksojnë burime qeveritare, duke dërguar kështu një mesazh që në këtë faze, i adresohet kryesisht Tiranës.
Discussion about this post