Mediat greke: Presidenti Meta shfaqet provokues në ekspozitën e Çamërisë

Mediat greke raportojnë për një notë proteste që ambasada e Greqisë ka bërë ndaj presidentit shqiptar Ilir Meta. Shkak për këtë është bërë nëj ekspozitë me foto të organizuar nga shoqata çame në gardhin e presidencës, që u vizitua personalisht dhe nga vetë Meta.

Meta është quajtur provokues nga mediat greke, ndërkohë që thuhet se ai bëri një xhiro rreth ekspozitës, edhe pse sipas mediave greke ekspozita e fotove tregonte një histori të pavërtetë.
“Fotot, të cilat janë postuar në gardhin e jashtëm të pallatit presidencial shqiptar, shoqërohen me akuza ndaj vendit tonë për “gjenocidin e Çamësisë”, si dhe me harta që tregojnë pjesën më të madhe të Greqisë si “territore të pushtuara shqiptare””, shkruajnë mediat greke.

Sipas këtyre mediave ekspozita u organizua nga Fondacioni “Çamëria Hasan Tahsini” dhe Akademia “Rrënjët Shqiptare”.