Sulmuesi i Milanit, Zlatan Ibrahimovic vazhdon të stërvitet në palestër dhe duket se do jetë në gjendje të fillojë vrapimin javën e ardhshme.
Trajnimi para-sezonal ka qenë në palestër deri më tani për veteranin ‘Kuqezi’, i cili pësoi një dëmtim në gju në fund të sezonit 2020-2021 dhe iu nënshtrua një operacioni në 18 qershor.
‘Tuttosport’ raporton se ai do të kthehet nga java e ardhshme dhe do të fillojë përgatitjen fizike për sezonin e ri.
39-vjeçari zgjati qëndrimin e tij në San Siro, pasi kontribuoi me 15 gola në 19 ndeshje të Serie A në sezonin e kaluar, por humbi pjesë të mëdha të kampionatit për shkak të dëmtimeve të muskujve.
Zlatan po ashtu humbi Kampionatin Evropian me Suedinë për shkak të këtij dëmtimi që mori.
Megjithatë duket se Zlatan e ka marrë veten tashmë dhe synon të kthehet në kohë për ndeshjen e parë kundër Sampdorias më 23 gusht, që është e para për sezonin 2021-2022 të Milan./Gijotina.com
