Elseid Hysaj nuk po kalon formën më të mirë. Kështu raportojnë dhe mediat italiane të cilat shkruajnë se shqiptari është shumë pranë dhe largimit nga Lazio.
Me ndryshimin e trajnerit dhe dorëheqjes së Mauricio Sarrit, futbollisti shkodran duket se nuk ka më vend tek kryeqytetasit.
Sipas “Corriere Dello Sport”, trajneri i ri, Igor Tudor do të bëjë shumë ndryshime në skuadër dhe mes tyre mund të jetë dhe Hysaj .
Madje mbrojtësi i krahut të djathtë ka patur dhe një bisedë të gjatë me presidentin Klaudio Lotito ku mes të tjerash është diskutuar dhe mundësia e largimit në verë.
Detaje të tjera nuk bëhen të ditura por më siguri që javët ardhshme edhe tekniku Tudor do të tregojë projektin e tij me Lazion, ndonëse në Itali janë të sigurt se Hysaj nuk është në planet e tij.
Discussion about this post