E ardhmja e Simone Inzaghit tek Interi është gjithnjë e më larg.
Sipas Sportmediaset, duke cituar burime nga Arabia Saudite, trajneri italian ka dhënë “po”-në përfundimtare për Al-Hilal dhe pritet të jetë në pankinën e klubit saudit në Kupën e Botës për Klube 2025.
Finalja e Champions League ndaj PSG në Mynih më 31 maj mund të jetë akti i fundit i një cikli 4-vjeçar të suksesshëm me zikaltrit, që ai dëshiron ta mbyllë me trofeun më të madh.
Detajet e kontratës janë thuajse të mbyllura: 25 milionë euro neto në sezon për dy vite, ndërsa një përfaqësues i tij do udhëtojë së shpejti në Riad për të finalizuar gjithçka.
Kjo lëvizje vjen pavarësisht premtimit të rinovimit nga Marotta deri në vitin 2027, me një rritje të lehtë të pagës në rreth 7 milionë euro në vit. Inzaghi ka zgjedhur të nisë një sfidë të re të lakmueshme financiare, larg Europës.
Discussion about this post