Ndeshja mes Interit dhe Egnatias në Ferrara u mbyll me suksesin 4-2 të zikaltërve të cilët ia dolën të përmbysnin rezultatin në fund të ndeshjes ndaj rrogozhinasve falë edhe një simulimi të Lautaro Martinez.
Ky i fundit, për të evituar turpin ndaj skuadrës shqiptare, simuloi në mënyrë të dukshme në zonë dhe gjyqtari i dha një dorë duke dhënë penallti.
Një episod i cili ka qarkulluar në rrjet duke u kthyer në objekt talljesh të anti-interistëve, teksa ka gjetur pasqyrim edhe në portalet e mediave të rëndësishme italiane.
Kështu, portali i gazetës së njohur sportive ”Tuttosport” ka publikuar foto-sekuencën e episodit ku Martinez simuloi gjatë ndërhyrjes së Malotës për të larguar topin.
“Inter-Egnatia, Lautaro Martinez dhe simulimi… i turpshëm. Argjentinasi rrëzohet në tokë para kohe në krahasim me kontaktin e lehtë me kundërshtarin dhe gjyqtari gjithsesi akordoi gjuajtje nga pika e bardhë për zikaltrit”, shkruan portali në fjalë për këtë episod./PanoramaSport
Discussion about this post