Deputeti i opozitës Fatmir Mediu nga studio e Euroneës Albania tha se ne Shqipëria duhet të ketë parasysh disa lëvizje të mëparshme politike para se të mbajmë qëndrime në lidhje me luftën që po zhvillohet në Rripin e Gazës.
Ai tha se ne nuk duhet të harrojmë se Izraeli ka qenë një nga vendet e para që ka folur për genocidin serb ndaj Kosovës, e gjithashtu ky vend e ka njohur Kosovën si një shtet sovran e të pavarur, ndërsa Palestina nuk e ka njohur.
“Ajo që dua të them është se ka disa mënyra që lëvizin, një mënyrë është e marrëdhënieve të dukshme dhe një mënyrë është e marrëdhënieve të padukshme. Izraeli ka qëndruar pro Kosovës që në momentin kur Millosheviçi ka ushtruar genocidin mbi shqiptarët e Kosovës.
Një nga njerëzit që ka dalë e ka marrë qendrim publik mbi këtë çështje ka qenë Netanjahu, gjithashtu e ka njohur pavarësinë e Kosovës. Patjetër që ne duhet të kemi vlerësimin tonë të drejtë në raport me këtë çështje.
Palestina nuk e ka njohur, arsyeve nuk po i hyj, por që Hamasi është një organizatë ushtarake e cila mori kontrollin e qeverisë Palestineze, në kundërshtim me politikën “paqësore” që ishte deri në atë kohë të autoriteteve palestineze për të arritur një marrëveshje dhe marrëveshje të cilat kanë njohur kohët e tyre pozitive.
Kjo është një tendencë për të krijuar një konflikt mes tokës arabe dhe Izraelit e ngjashme me konfliktin e 11 shtatorit e cila ndau pjesën islame nga pjesa kristiane”,-tha Fatmir Mediu.
Discussion about this post