Kreu republikan Fatmir Mediu tha në një intervistë për Klan News se propozimet për ndryshimet në Kodin Zgjedhor u garantojnë qytetarëve shqiptarë të zgjedhin të lirë.
Mediu tha se Gjykata Kushtetuese në vendimin e saj e ka lënë mundësinë për listat e hapura. Kreu republikan tha se opozita nuk duhet të ecë më me idenë që të ketë dashuri për liderin apo kryetarin, pasi politika nuk është monopol i disa individëve.
“PS mund ta ketë dashurinë me Kryeministrin, mund të përfshijë në lista edhe të fortë edhe njerëz me para, por opozita duhet të ecë duke hapur garën, duke lejuar të rinjtë të hyjnë në politikë dhe kjo garantohet vetëm përmes listave të hapura”, tha Mediu.
Sipas tij, sot opozita ka shumë komandantë, por nuk dihet sa ushtarë ka, pasi po ikin në drejtim të paditur.
“Politika sot i ka rrëmbyer qytetarëve të drejtën për të vendosur dhe për ndryshimin”, tha Mediu.
Discussion about this post