Mediu takon kreun e Komitetit për Europën në kongresin amerikan: Folëm edhe për zgjedhjet e 11 Majit

Në një vizitë zyrtare në Washington DC, kryetari i Partisë Republikane, Fatmir Mediu, është takuar me kryetarin e Komitetit për Europën në Kongresin Amerikan, Keith Self. Në fokus të bisedës ishte situata e sigurisë në Ballkan, me zhvillimet e fundit në Serbi, Bosnjë dhe Kosovë.

Gjithashtu, Mediu theksoi rëndësinë e zgjedhjeve parlamentare të 11 majit në Shqipëri, duke nënvizuar detyrimin e vendit si anëtar i NATO-s për të garantuar zgjedhje të lira dhe të ndershme, të mbrojtura nga ndikimi i krimit dhe korrupsionit, blerja e votave dhe intimidimi i votuesve. Ai kritikoi përdorimin e administratës shtetërore për qëllime elektorale nga qeveria në pushtet.

Komiteti për Europën pritet të diskutojë sigurinë në Ballkan, rolin e NATO-s dhe standardet demokratike në rajon.

Postimi:

Postimi:

Washington DC: Kongresi Amerikan

Takimin me kryetarin e Komitetit për Europën Kongresmenin Keith Self, folëm mbi situatën e sigurisë në ballkan. Zhvillimet në Serbi, Bosnjë dhe Kosovë.

Zgjedhjet parlamentare në 11 Maj në Shqipëri dhe detyrimin e Shqipërisë si vend i NATO-s për të zhvilluar zgjedhje të lira dhe të ndershme jashtë influencës të krimit dhe korrupsionit, blerjes së votave dhe intimidimit të votuesve, përdorimit të administratës shtetërore për qëllime elektorale të qeverisë socialiste.

Komiteti për Europën do diskutojë për sigurinë në Ballkan dhe rolin e NATOs, por dhe standartet demokratike.