Kreu i SPAK, Arben Kraja po jep detaje në një komunikim zyrtar në lidhje me masat e sigurim arresteve që janë nxjerrë më herët nga Prokuroria e Posaçme. Reagimi vjen në një kohë kur një mega-operacion është nisur nga SPAK për arrestimin e “kokave” të bandave kriminale në vend.
Kraja u shpreh se janë evidentuar 8 grupe kriminale në tre qytetet e Shqipërisë, Tiranë, Durrës dhe Elbasan dhe janë lëshuar 32 urdhër arreste ndërsa është bërë kontrolli i 28 banesave.
“Pas hetimeve intensive te grumbullohen prova për ngjarje kriminale dhe autorëve të tyre, më 14 prill për vrasje, armëmbajtje pa leje e kryer në bashkëpunim nga grupet e strukturuara kriminale. U evidentuan të dhëna për identifikimin e këtyre veprave penale. 8 grupe të strukturuara kriminale, në Tiranë Durrës dhe Elbasan. Kanë paguar shumë të mëdha parash. Pas kërkesës së SPAK, janë caktuar masa arrest me burg për 32 shtetas. Kontrolli i banesave të 28 shtetasve të tjerë”, tha Kraja.
Deri më tani raportohet se aksioni është shtrirë në të paktën 5 qytete, ndërsa urdhër arreste janë prerë për 32 persona. Në kërkim nga SPAK mësohet se janë edhe emra si ai i Talo Çelës apo Suel Çelës që njihen si të përfshirë në disa ngjarje kriminale në Elbasan por jo vetëm.
Aksioni nga SPAK mësohet se është ende në vijim ndërsa ka nisur që nga orët e para të mëngjesit të kësaj të enjteje. Po ashtu në kërkim janë edhe Ervis Martinaj, dhe Kamer Mehja. Në Elbasan, raportohet se rezultojnë me urdhër ndalimi edhe oficerë policie. Ata dyshohet se kanë bashkëpunuar me bandat kriminale. Në këtë qytet mësohet se janë prerë 13 urdhër ndalimi.
Discussion about this post