Në një intervistë të dhënë së fundmi, aktorja e “Transformes” dhe “Jennifer’s body” ka folur dhe për fëmijët e saj nga martesa me ish-bashkëshortin Brian Austin Green. Fox ka tre fëmijë nga kjo martesë, por ka zgjedhur të ndalet pak më gjatë tek djali i saj i madh, Noah.
Megan Fox ka treguar se shpesh merr kritika nga njerëzit për stilin “ e çuditshëm” që djali i saj i madh ka në veshje. Noah preferon të veshi fustane por kjo gjë nuk pritet mirë nga të gjithë. Edhe pse aktorja thotë se e ka çuar djalin në një shkollë me ide progressive, sërish ai bullizohet nga shokët e klasës , të cilët qeshin dhe e tallin pasi djemtë nuk veshin fustane .
”Ndonjëherë, ai do të vishet vetë dhe atij i pëlqen të veshë fustane.Dhe unë e dërgoj në një shkollë me të vërtetë liberale,por edhe në Kaliforni ende ekziston parimi “Djemtë nuk veshin rozë “, është shprehur aktorja.
E pyetur sesi po e menaxhon këtë situatë, duket se Foc dhe ish bashkëshorti ndajnë të njëjtin mendim. Të dy janë shprehur se djali është i dhënë pas modës dhe nëse i pëlqn të veshi fustane nuk ka asnjë problem. Fox thotë se djali nuk po dëmton askënd, është veçse një fëmijë dhe ajo që ka rëndësi për të është që djali të jetë me vetëbesim dhe ta dojë veten.
“Unë po perpiqem ti mësoj të jete konfident dhe te dojë vetveten pavarsisht çfarë thonë të tjerët”, ka thënë Fox.
