Megan Fox ka shkruar një libër me poezi, në të cilin synon të zbulojë sekretet e meshkujve.
Siç ka treguar aktorja përmes llogarisë personale në Instagram, është “lodhur duke mbajtur sekrete të të tjerëve”, ndaj ka ndërmend t’i ekspozojë të gjitha në librin e saj.
Megan ka postuar një foto, me kopertinën e një libri, ku ka gojën e një gruaje të vizatuar, duke kafshuar një gjarpër. Libri i saj quhet: “Djemtë e bukur janë helmues”.
“Këto poezi janë shkruar në një përpjekje për të hequr sëmundjen që kishte zënë rrënjë tek unë për shkak të heshtjes sime. Kam kaluar gjithë jetën time duke mbajtur sekretet e njerëzve. Trupi që dhemb nga pesha e mëkateve të tyre”, ka shkruar aktorja duke shpjeguar qëllimin e librit të saj.
https://www.instagram.com/p/CvsI9CLLbQr/?img_index=1
“Liria ime vazhdon në këto faqe dhe shpresoj se fjalët e mia mund të frymëzojnë të tjerët që të marrin lumturinë dhe identitetin e tyre, duke përdorur zërin e tyre për të ndriçuar atë që është varrosur në errësirë, por që nuk është harruar,” vazhdon ajo.
Shtëpia botuese “Simon & Schuster” ka marrë përsipër daljen në treg të librit të saj. Në një deklaratë ata thanë se në këtë përmbledhje me poezi, Megan para së gjithash do të nxjerrë në pah “sensin e saj të humorit”.
Libri i saj pritet të dalë më 7 nëntor. Edhe pse nuk dihet nëse me të vërtetë dëshiron të zbulojë sekretet e ish-partnerëve të saj apo ky është vetëm një “mashtrim marketingu”, bie në sy se libri i saj vjen pak kohë pas ndarjes nga Machine Gun Kelly.
Discussion about this post