Policia e Kosovës ka finalizuar operacionin “Pika” në kuadër të të cilit janë arrestuar 50 policë, përfshirë dy udhëheqësit e pikave kufitare Qafë Prush dhe Qafë Morinë si dhe dy oficerë doganorë.
Aksioni ka nisur mëngjesin e sotëm, i paraprirë nga një hetim rreth 1-vjeçar duke përfshirë masa të fshehta të hetimit. Sipas IPK-së, “Pika” është përkrahur edhe nga Agjencia e Kosovës për Inteligjencë, Dogana e Kosovës dhe Policia e Kosovës.
Zyrtarët e arrestuar akuzohen për përfshirje në aktivitete të kundërligjshme që lidhen me veprat penale: “marrje e ryshfetit” dhe “keqpërdorim i të një numri të zyrtarëve pozitës apo autoritetit zyrtar”.
Në Qafë Morinë u arrestuan gjithë policët që ishin në ndërrim, më pas të njëjtit u zëvendësuan nga policë të pikave të tjera kufitare, për të mbuluar mungesën e tyre.
Lidhur me këtë aksion ka reaguar edhe ministri i Punëve të Brendshme, Xhelal Sveçla, ku ndër të tjera ka thënë se Policia e Kosovës nuk do të jetë vendi ku thyhet ligji e bëhet korrupsioni.
Discussion about this post