Gjykata e Matit ka lënë në burg 10 të arrestuarit që u kapën në kuadër të operacionit të anti-drogës “Kepi i Vozajve”, ndërkohë 3 prej tyre iu caktua masa “arrest shtëpie”. Togat e zeza caktuan masën e “arrestit me burg” për shtetasit Gëzim dhe Vilson Koleci, Idajet dhe Lezan Koleci, Mehmet Koleci dhe Fatjon Doda, Rasim Gjeçuka dhe Albert Koleci, Gestian Koleci dhe Agim Koleci.
Ndërsa, mësohet se në “arrest shtëpie” është lënë Gazmir Gjeçuka, Esat Koleci dhe Asim Hespapa.
Sipas policisë, organizator i kësaj veprimtarie kriminale është Gëzim Koleci, me detyrë kryetar i fshatit Lam i Madh, i cili organizonte punën për kultivimin e bimëve, dhe më pas gjetje e tregut që e siguronte nëpërmjet djemve të tij. Të gjithë pjesëtarët e arrestuar kanë lidhje fisnore me njëri-tjetrin.
Discussion about this post